“ La Caleya ”  esos camininos estrechinos de la nuesa Asturies, enllenos de piedres y munches veces de maleza y felechos qu'escondien hestories d'amores nos pueblos, elli diben a cortexar les moces y los mozos pa tapase de los güeyos de la xente…, cuantes veces recorrien los nuesos güelos aquelles caleyes cola llechera y les madreñes pa dir a buscar la lleche”… 

¿Y qué tien que ver una caleya cola sidra, camentareís?: Decíase enantes que “no hay sidra buena, sino está bien bátia”, fasta los años 90 para separtiar el carbónicu de la sidra, los llagareros una vez cargaos los camiones de sidra, guetaben aquelles caleyes más cerca y con más baches pa“marear la sidra” , cuandu tornaben los camiones echabase un güeyu a la sidra y a veces mandábase dir otra vez a paseala por “la caleya” cuandu la sidra nun taba bien batia. Cola modernidá desapaecieron les caleyes y los baches y apaecieron les batidores en los llagares asturianos.

  «Dexando esnalar la maxín podemos atlantar en milenta coses que formaben parte de la nuesa hestoria y qe tiíne com unicu testigu “les nuestres caleyes” y que como los nuesos platos fueren diferentes y formaren parte del nuesu recuerdu y les nueses costumbres».